مدينة الاحلام
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

لسنا الوحيدون ولكننا المتميزون
 
الرئيسيةالبوابةالتسجيلدخولتسجيل دخول الاعضاء

شاطر | 
 

 دورة تعليم اكسسورات مجانا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حنين

avatar

عدد المساهمات : 16
نقاط : 48
تاريخ التسجيل : 19/03/2011

مُساهمةموضوع: دورة تعليم اكسسورات مجانا   الثلاثاء يوليو 03, 2012 7:47 pm





دورة تعليم اكسسوارات مجاناً

[color:4641=4b0082]أولا
عشان نبتدي مشروعنا مش محتاجين لمبلغ كبير في البدايه لاننا بنجرب ولحد ما
نبقى محترفين باذن الله ياعني محتاجين حوالي حد ادنى 200 جنية


ثانيا : اماكن بيع الخامات والادوات[color:4641=4b0082]
في القاهرة طبعا مفيش غير العتبة والموسكي بنركب المترو وننزل محطه العتبه
ونطلع ناحيه سور الازبكيه ولو سالنا عن العتبة والناس اللي بتبيع الخرز
والاكسسوارات الف مين هايدلنا عليها تمام


[color:4641=4b0082]بالنسبة للاسكندرية طبعا
مرحتهمش بس اسمع ان في زنقه الستات فيه ناس بتبيع الحاجات دي وفي المنشية
في محلات زرارة اعتقد انها مشهورة جدا برضو ببيع الحاجات دي تمام


بعد كده محتاجين عشان نبتدي ادوات اساسية هاتفضل معانا طول شغلنا ان شاء الله

1-[color:4641=4b0082] بكرة خيط بلاستيك وده فيه منه جميع الالوان وفيه منه تخين وفيه منه رفيع وفيه منه استك ياعني بيمط وده شكله

[color:4641=4b0082]

[color:4641=4b0082]وسعره بيكون في حدود اربعه جنية تقريبا

2-[color:4641=4b0082]
ثانيا هنحتاج حاجه مهمة جدا ودي اسمها زرادية ذات رأس مدور ( زراديه ببوز
مدور ) مشهورة جدا في اماكن بيع الحاجات دي وسعرها كان اخر مرة 15 جنية بس
من سنة تقريبا الكلام ده او اكتر يمكن غليت بس في الحدود دي ياعني وده
شكلها


[color:4641=4b0082]

[color:4641=4b0082]ودي اداه مهمة جدا ولازم تكون موجوده عشان هيا اللي هاتدرب ايدينا على الشغل وتطلع الحاجه مظبوطه بالتمام .

3-[color:4641=4b0082] زرادية عادية صغيرة ودي كانت في حدود 6 جنية بالظبط وقت ما اشتريتها وده شكلها

[color:4641=4b0082]

4-[color:4641=4b0082]
زراديه عادية برضو انا كنت بوصفهم بالشبة للراجل وانتي لو رحتي المحلات
هاتلاقيها محطوطه قدامك على طول اسمها حاجات بتاعت عدة الجواهرجي ودي برضو
كان سعرها في حدود 6 جنية او 5 تمام يا فتاتيك معايا


[color:4641=4b0082]
الاداه اللي بعد كده وهيا القصافه ودي لقص المسمار المعدن اللي هانتعرف
عليه بعد كده في الشغل ودي برضو سعرها حوالي 6 جنية وممكن مبدئيا نستبدلها
بالقصافه العاديه بتاعت الاظافر بس تكون كبيرة عشان تقدر تقطع المعدن وده
شكلها




5- اخر حاجه واهم حاجه هانحتاجها هي الميزان طبعا المفروض اننا يكون
عندنا ميزان ديجيتال بتاع جرامات صغير زي بتاع الجواهرجي زي ده كده




لكن اذا مقدرناش نوفره في البدايه ممكن نستعمل ميزان البيت وبقى فيه
موازين ديجيتال بيتي او حتى بمؤشر ممكن نستعملها وده مهم في ايه بقى عشان
نقدر نحسب تكلفتنا لاننا هانشتري اللولي والخرز بالجرام وبالكيلو فلازم لما
نيجي نحسب نحسب برضو بالجرام عشان نعرف العقد او الحلق ده كلفنا كام
بالظبط

[color:4641=4b0082]

طريقة حساب التكلفه : _

[color:4641=4b0082]نفترض اننا اشترينا ربع كيلو لولي ب 10 جنية ياعني ( 250 جرام ب 10 جنية )
نقسم العشرة جنية على ال 250 جرام عشان نطلع تكلفه الجرام الواحد كام

10 % 250 = 0.04 للجرام الواحد
[color:4641=4b0082]وبنفس الطريقة بنحسب
تكلفه الزرد والمسامير واي حاجه احنا شاريينها هانستخدمها وفيه حاجات
بتكون كبيرة بتتباع بالواحده برضو بنحسبها وكمان بنحسب مصاريفنا بنشوف
مواصلاتنا كام وبنقسمها على عدد الحاجات اللي اشتريناها في اليوم ده ياعني
لو نزلت صرفت مثلا 10 جنية مواصلات واشتريت بس ربع كيلو لولي ب 10 جنية
يبقى اضيفها عليه لو اشتريت نوعين خامات لولي وخشب او اي حاجه تانية اقسم
العشرة نصين على ربع كيلو اللولي خمسة جنية وعلى الخامه التانية خمسة وهكذا


وكذلك الخيط بكرة الخيط الراجل بيقولك دي حوالي كام متر وبتشوفي سعرها كام وبتقسمي السعر على عدد الامتار

[color:4641=4b0082]وبكده لما تعملي عقد مثلا بتوزنيه و بتشوفي اخد كام جرام 50 مثلا بتضربيهم في الرقم اللي طلعناه للجرام الواحد ياعني 50 0.04

وبالنسبة للخيط بتقيسي بالمازورة اخدتي كام سنتيمتر من البكرة
وبتبقي حاسبه السنتيمتر الواحد بكام وبرضو بتضربيه وبكده نكون عرفنا نحسب
التكلفه بالتماام من غير ما ننسى ولا حاجه ولا تضيع مننا حاجه وبعد كده
بنضيف مجهودنا زي ما احنا شايفين وعلى اساسه بنحدد السعر


معلش انا طولت في الموضوع ده شوية لان فيه ناس كتير بتحتاس ومش بتبقى
عارفه تحسب التكلفه وانا واحده منهم اول ما اتعلمت خسرت كتير عشان كده حبيت
اقول الموضوع باستفاضه شوية كتير عشان نبقى على درايه بكل حاجه من الالف
الى الياء









[color:4641=800080]هنبدأ ان شاء الله في تعليم أبسط وأول الطرق لعمل اكسسوار جميل وشيك في نفس الوقت

اولا شغل الاكسسوارات مش بيعتمد على تقنيه معينة قد ما هو بيعتمد على
الذوق والطابع الشخصي والابتكار اللي بنضيفه على القطعه اللي بنعملها لان
الطريقة كلها واحده الناس كلها بتنفذ بيها لكن اللي بيفرق حاجه ويظهرها عن
التانية هيا شكلها المميز واختلافها عن الحاجات التقليدية


اول طريقة عندنا هيا طريقة اللضم ( لضم الخامات مع بعضها اللولي مثلا )
ودي بنستعمل فيها الخيط بس وبنعتمد
فيها على استعمال خامات مختلفه مع بعضها زي اللولي والاحجار مثلا او
اللولي واشكال بلاستيكية معينة او الوان مختلفه من اللولي والطريقة طبعا مش
محتاجه صوور لانها بسيطه جداا جدا ناخد الخيط ونلضم فيه الاشكال اللي احنا
عايزينها ورا بعضها ولما نوصل للطول المناسب نعمل عقده متينة ونعيد عليها
مرتين تلاته وبس ودي بعض الاشكال اللي هاتوضح الطريقة البسيطه دي








ودي اول واسهل طريقة نعمل بيها اكسسوارات وفيه اكيد منكم كتير عارفها بس انا حبيت ابدأ معاكم دورة

[color:4641=000080]الطريقة
التانية وهيا الاساسية اللي هانستعملها في الشغل كله باختلاف اشكاله وهيا
باستخدام المسامير والحلقات بمختلف احجامها واشكالها ودي طبعا بتكون اقيم
واشيك من طريقة اللضم ولكن نرجع ونقول برضو بنحتاج للضم احيانا في بعض
التصميمات وليه مميزاته برضو يلا نبتدي بسم الله

اولا عندنا حاجتين اساسيين غير الخامات بتاعتنا سواء كانت لولي او غيره
وهما الزرد والمسامير والزرد ده هو عبارة عن الحلقات المدورة الصغيرة اللي
بتشبك المسامير في بعضها وطبعا فيه منها حوالي اربع او خمس مقاسات من اول
الصغير خالص لحد الكبيير خالص وده شكل لاحدى الاحجام




ثانيا المسمار وهو اللي عامل زي الدبوس وده اللي بتكون موجوده فيه
الخرزات او اللولي وبنلفه من الطرفين وفيه نوعين نوع ليه راس مدورة ملفوفه
جاهزة والنوع التاني مقفول من الاخر براس زي راس الدبوس الابرة والاتنين
فيه منهم مقاسات طويل وقصير وبرضو فيه منهم الوان هما والزرد اكيد ياعني
فضي ودهبي ونحاسي بالظبط وده شكلهم



بعد كده عندنا خاماتنا سواء كانت لولي او بلاستيك او اكريلك وطبعا الاشكال لاا حصر لها ودي عينة منها

ده مثلا اكريلك لونين اخضر واسود



وده بلاستيك وزجاج



وده بلاستيك واكريلك



وطبعا لو جينا نعمل انسيال او سلسلة قصيرة اكيد بنحتاج للاقفال اللي بتكون موجوده زي كده وطبعا فيها الوان برضو دهبي وفضي ونحاسي



وبرضو الاقفال دي فيه منها اشكال كتير بس مش متوفر عندي غير ده بس ان شاء الله هابقى اجيبهالكم باذن الله

ودي كده بتعتبر ادواتنا الاساسية طبعا مع الزراديات السابقة وبعد كده هانبتدي الشغل تابعوني وبرضوو


[color:4641=4b0082]اولا حبيباتي هانبدأ بعمل حاجه بسيطه
جدا من الاكسسوارات وكلنا بنحبها وهيا الحلقان عشان صغننة وبسيطه قبل ما
نبدأ احب اقولكم ان الاساس في شغلنا انه يطلع كويس ويطلع شغل محترفين فعلا
هو طريقة لف المسمار

هاشرح بالكلام وبعدين هاوريكم الصور والفيديو عشان يوضح الكلام اكتر اوك

اولا بنجيب عدد الخرز واللولي اللي بنحتاجه للحلق حوالي 6 مثلا تلاته
وتلاته وبعد كده بناخد كل واحده ندخلها في المسمار اللي ليه راس مدورة
وطبعا بيكون فيه زياده لان المسمار طويل وواحده اللولي قصيرة بنقصها
بالقصافه وبنترك مسافه حوالي 1 سنتيمتر بعد كده بنتني المسافه المتبقية على
شكل زاوية قائمة ثم نلفها بالزرادية ذات الرأس المدور وهنا الاحتراف كل ما
ايدينا اتعودت على اللفه دي وطلعناها مظبوطه كل ما شغلنا كان اكثر دقه
وجمال نبتدي مع الصور




دي الحاجات اللي محتاجينها زرد _ مسامير _ شنكل الحلق _ اللولي



بنبتدي ندخل المسمار في اللولي بالشكل اللي في الصورة ده








وبعدين باستخدام الزراديه الموجوده في الصورة دي بنتني المسمار بشكل زاوية قائمة بالشكل اللي في الصورة ده



بعد كده زي ما قولنا بنسيب حوالي 1 سنتيمتر ونشيل الزياده بالقصافه وقلنا قبل كده ممكن نستعمل قصافه الاظافر بس تكون كبيرة



نيجي لاهم نقطه وهيا ثني باقي المسمار لعمل حلقه زي اللي موجوده في المسمار من الجهه التانية بالشكل ده



وده الشكل النهائي للخرزة بتكون ملفوفه من الناحيتين



ونكرر نفس الخطوات السابقة مع كل اللولي والخرز الموجود عندنا لحد ما يبقى بالشكل ده كله


[color:4641=4b0082]دلوقتي كده كل شئ جاهز مش فاضل الا
اننا نشبك اللولي في بعضه ونشبكة في شنكل الحلق وده هايتم طبعا عن طريق
الحلقات المعدنية ( الزرد ) وهنا احب انبه لحاجه وهيا طريقة فتحنا للحلقه
احنا هانمسكها بالاتنين زراديه بتوعنا بايدينا الاتنين لازم لما نيجي
نفتحها مش نفتحها يمين وشمال لاء بنفتحها لقدام ولورا بحيث اننا لما نيجي
نقفلها تاني ترجع لنفس الشكل الاصلي بتاعها ودي صورة يارب توضح الفكرة



بنمسك الزرده بالزراديه اللي في الصورة دي بايدينا اليمين ونمسك التانية بالشمال



شايفين في الصورة دي الزرده مفتوحه ازاي ؟ مش من على الجناب لاء لورا ولقدام يارب تكون واضحه الصورة



دلوقتي شبكنا الزرده في شنكل الحلق



وكده شبكنا اول خرزة في الحلق



وهنا شبكنا واحده لولي كمان بنفس الطريقة



وكمان واحده شبكناها بنفس الطريقة لحد ما نوصل للطول اللي احنا عايزينه
وبيكون كده انتهينا من فرده حلق وبنعمل التانية بنفس الطريقة بالظبط
ومننساش ان اخر واحده لولي او خرز في الحلق المفروض نستخدم ليها المسمار
اللي ليه راس مقفوله عشان يكون شكله مظبوط وبكده نكون عملنا حلق جمييل جداا
جدا من صنع ايدينا وطبعا الافكار لا حصر لها والاشكال كمان وكل واحد زي ما
بيحب الحلق طويل قصير واحده لولي واحده اتنين زي ما يحب


وده فيديو يوضح طريقة لف المسمار بس بدل ما احنا بنقص الزياده نعمل
دائرة فقط هنا لف باقيه المسمار علي واحده اللولي والفيديو واضح وسهل جدا
ان شاء الله وهاتلاحظوا نفس الادوات اللي احنا بنستعملها


http://www.youtube.com/watch?v=of_6Cdqtj8g







[color:4641=4b0082]وده كمان فيديو واضح وحلو جدا للمبتدئين

http://www.youtube.com/watch?v=He9TyRZU_ZY&NR=1







[color:4641=4b0082]وده بقى لينك طريقة عمل حلق بسيط وجميل جدا وزي اللي شرحناه بالظبط

http://www.youtube.com/watch?v=hl3Y8 .. eature=related







[color:4641=4b0082]وده كماان طريقة عمل حلق لذيذ جدا جدا وكمان مستخدمين قصافه اظافر زي ما قولتلكم













[color:4641=4b0082]وأخيرا بنفس طريقة تشبيك الحلق دي ممكن
نعمل عقد جميل باننا نشيل خالص شنكل الحلق ونكمل تشبيك عادي لحد الطول
المناسب لينا ويكون عقد جميل وكذلك الانسيال وبدل ما نشبك في الاخر شنكل
الحلق لاء نشبك قفل من اللي شفناهم
وده عقد من الاشكال المعموله بنفس الطريقة اللي شرحناها


ده العقد بتاع الحلق اللي عملناه وقدامنا طبعا اشكال لا حصر لها من مختلف الخامات اللي ممكن نعملها بالطريقة دي




الرجوع الى أعلى الصفحة اذهب الى الأسفل
 
دورة تعليم اكسسورات مجانا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدينة الاحلام :: اجمل حواء بمدينة الاحلام :: الاكسسورات والعطور-
انتقل الى:  
سحابة الكلمات الدلالية
google